Larunbatean, Baigorrin 2015-10-14

Zortzi bertsolari gazte Hernandorena Sarian

Larunbat honetan Baigorriko Bixentenia ostatuan jokatuko da bertsolari gazteen Hernandorena Sariketa. Orotara 8 bertsolari gazte arituko dira: Arabatik Peru Abarrategi; Nafarroatik Maddalen Lopez; Bizkaitik Txaber Altube; Gipuzkoatik Maider Arregi, eta Lapurditik Kerman Diaz, Nahia Sasco, Lur Renteria, eta Aitor Servier.

18:00etan da ekitaldia eta ondoren afaria izango da. Hernandorena Sarian ez da xapeldunik edo irabazle bakar bat izendatzen eta entzuleak ematen ditu sariak: saio gustokoena, sakonena, umoretsuena eta abar...

Aurtengoan, gonbidatu bereziak ere izango ditu Hernandorena Sariak, bertan izango baitira Martin Goikoetxea eta Johnny Curutchet diasporako bertsolariak eta Frantxua Bidaurreta San Francisco-ko Euskal Etxeko kidea eta lehendakari ohia, Euskal Kultur Erakundeak gonbidatuta.

Saioaren ondotik afaria izango da.

• 
•