Xenpelar Dokumentazio Zentrotik 2015-10-16

Diasporatik kantuan

Euskal Kultur Erakundeak gonbidatuta etorri dira Estatu Batuetatik Martin Goikoetxea eta Johnny Kurutxet bertsolariak. Hainbat ekitalditan izan dira biak Bertsularien Lagunak eta Bertsozale Elkartearen bitartez.

Asteazkenean Euskal Kultur Erakundeak eta Mintzola Fundazioak elkarlanean bertso-saioa antolatu zuten eta han izan ziren kantuan Martin Goikoetxea eta Johnny Kurutxet, Andoni Egaña eta Maialen Lujanbiorekin. Laster jarriko ditugu ikusgai bi bertsolariei egindako elkarrizketa eta saioko bertsoaldi onenak.

Duela 17 urte Martin Goikoetxeak Tolosako saio batean hartu zuen parte; Tolosaldeko ikastolen aldeko bertso-jaialdian hain zuzen ere. Orduan ordea, bera ez zegoen Euskal Herrian. Wyomingo bere etxetik kantatu zuen eta bideo-konferentzia bidez osatu zuten saioa. Ikusgai dituzue kontinente artean aldiberean egin zen lehen bertso-saio hartako irudiak.

• 
•