Gipuzkoako Bertsolari Txapelketa 2015-10-22

Lehen final-laurdenak asteburuan

Agin Laburu, Asier Azpiroz, Beñat Iguaran, Eli Pagola, Jexux Mari Irazu eta  Nerea Elustondok abestuko dute larunbatean Urretxu-Zumarragako lehen final-laurdenean. Saioa 17:30ean hasiko da Ederrena pilotalekuan. Irabazten duen bertsolaria zuzenean sailkatuko da azaroaren 22an Zarautzen jokatuko den finalaurrekora.

Igandean Errenteriako Agustina Otaola reketista profesionala pilotalekuan (Fanderiako pilotalekua zena) jokatuko da bigarren final-laurdena. Han izango dira kantuan Amaia Iturriotz, Ane Labaka, Beñat Gaztelumendi, Iñaki Gurrutxaga, Iñigo Mantzizidor "Mantxi" eta Jon Martin. Lehen postua lortzen duenak finalaurrekoetarako zuzeneko txartela irabaziko du eta azaroaren 29an Tolosako finalaurrekoan kantatuko du.

Eginbeharreko lanak
Final-laurdenetako saioetan lan hauek egin behar dituzte bertsolariek:
  - Binaka, gaia emanda, zortziko handian hiruna bertso.
  - Binaka, gaia emanda, zortziko txikian hiruna bertso.
  - Binaka, gaia emanda, 6 puntuko motzean hiruna bertso.
  - Binaka, rola emanda, hamarreko txikian, hiruna bertso.
  - Kartzela: bakarka, gaia emanda, nahi den doinu eta neurrian, hiruna bertso.

Sarrerak salgai
Asteburuko saioetarako sarrerekin batera, gainontzeko final-laurdenetarako, finalaurrekoetarako eta finalerako sarrerak salgai dituzue www.bertsosarrerak.eus atarian.

• 
•