Gipuzkoako Bertsolari Txapelketa 2015-10-25

Errenterian izango da gaur saioa

Gaur Errenteriako Agustina Otaola reketista profesionala pilotalekuan (Fanderiako pilotalekua zena) jokatuko da bigarren final-laurdena arratsaldeko 17:30ean. Han izango dira kantuan Amaia Iturriotz, Ane Labaka, Beñat Gaztelumendi, Iñaki Gurrutxaga, Iñigo Mantzizidor "Mantxi" eta Jon Martin. Lehen postua lortzen duenak finalaurrekoetarako zuzeneko txartela irabaziko du eta azaroaren 29an Tolosako finalaurrekoan kantatuko du.

Eginbeharreko lanak
Final-laurdenetako saioetan lan hauek egin behar dituzte bertsolariek:
  - Binaka, gaia emanda, zortziko handian hiruna bertso.
  - Binaka, gaia emanda, zortziko txikian hiruna bertso.
  - Binaka, gaia emanda, 6 puntuko motzean hiruna bertso.
  - Binaka, rola emanda, hamarreko txikian, hiruna bertso.
  - Kartzela: bakarka, gaia emanda, nahi den doinu eta neurrian, hiruna bertso.

Bertsoaldi onenak sarean
Asteburu honetan Urretxu-Zumarragan eta Errenterian jokatuko diren saioetako bertsoaldi onenak laster izango dituzue ikusgai Bertsoaren sareko plazan

Atzo Urretxu-Zumarragan Agin Laburu irabazle
Atzo Urretxu-Zumagarragan jokatu zen lehen finalaurrekoa eta Agin Laburuk lortu zuen lehen postua; ondorioz baita finalaurrekoetan abesteko zuzeneko txartela ere.

• 
•