Igandean 15:00etan ETB1en 2015-10-23

Elkarrizketak sortzeko aukerak Hitzetik Hortzeran

Bertsolariak binaka bertsotan ari direnean zenbat aukera ezberdin dituzte elkarrizketak sortzeko? Asko dira aukera horiek: besteak esandakoari erantzutea, argudiaketa berari tiratzea... Eta noiz komeni da bat edo beste erabiltzea? Zein estrategia dituzte bertsolariek? Andoni Egañak eta Oihana Bartrak beren azalpenak emango dituzte aste honetako Hitzetik Hortzeran.

Elkarrizketak eta neba-arreben arteko eztabaidak Durangoko jaialditik ekarriak; baita Amaia Agirre eta Oihana Bartraren beldurrak ere. Eta bertso gehiago Beasain eta Oñatikoak.

Hori guztia igande bazkalosteko Hitzetik Hortzeran, arratsaldeko 15:00etan ETB1en eta nahi duzuenean EITBren Nahieran atarian.

• 
•