'Debalde festa' diskan 2015-10-28

Igelaren Bandak bertso doinuen bertsio instrumentala kaleratu du

Igelaren Banda taldeak 'Debalde festa' (Elkar) diska kaleratu du bertso doinuen bertsio instrumentalarekin. Doinu zahar eta berriak dira, gehienak plazan asko ibiliak edo ibiltzen direnak. Diskoaren izenburua Xenpelarren 'Debalde festa preparatzen det/gogua dedan orduan" bertsotik baliatu du Bixente Martinez, Hasier Oleaga eta Amaiur Cajaravillek osatutako taldeak.

13 doinu
Debalde festa lanak 13 doinu biltzen ditu, besteak beste: Erreguetan, Hobeto bizirik, Eguna pasa nekean eta, Ezin ahaztu... Bixente Martinezen esanetan, bertsolarien gehienen erabiltzen dituzten doinuok bi ezaugarri dituzte, batetik doinu ederra dira, borobillak, musikalki indar handikoak, eta bestetik kontakizunerako egokiak dira. Doinuen bertsiotan ere inprobisazioak bere pisua izan du diska honetan, egileen esanetan.

Hernanin aurkezpena azaroaren 26a
Debalde festa lana Hernanin aurkeztuko dute azaroaren 26an, eta Durangoko Azokan ondoren.

• 
•