Bertso Eskolen Eguna 2015-10-28
Azaroaren 14an ospatuko da Bertso Eskolen Eguna
Agurainen izango da hitzordua. Bertso poteoa, bazkaria, "Bertso Truk" ekimenaren aurkezpena, bertso-eskolen emanaldia eta Sudurgorriak izango dira. Azaroaren 5era arte bazkaritarako sarrerako erosteko aukera egongo da. Irudietan iazko giroa ikus daiteke.
Euskal Herriko bertso-eskolen arteko harremana sendotzeko asmoz, bosgarrenez ospatuko da aurtengoan Bertso Eskolen Eguna. Senperetik Agurainera egingo du jauzia aurtengo ekimenak, eta azaroaren 14an ospatuko da. Honako egitarau hau prestatu dute:12:00 Juntadizua
12:15 "Jo eta Fa" txarangarekin bertso poteoa
14:30 Bazkaria
17:30 Bazkalosteko jaia: "Bertso Truk" ekimenaren aurkezpena eta bertso-eskolen tartea
19:30 Sudurgorriak
Bazkaria eta lotarako lekua
Eguna bukatu ondoren, lotarako tokia ere izango da. Bazkaritarako sarrerak 12 eurotan eskuratu daitezke www.bertsosarrerak.eus atarian, eta lotarako txartelak ere bertan eskuratu daitezke 8 eurotan. Azaroaren 5era arte egongo dira salgai.
Albiste gaineko bideoan iazko irudiak ikus daitezke.
