Gipuzkoako Bertsolari Txapelketa 2015-11-10

Gipuzkoako finalaurrekoak Zarautzen, Tolosan eta Eibarren

Azaroaren 22an Zarautzen hasita, hiru finalaurrekok erabakiko dute Gipuzkoako Txapelketako zortzikote finalista. Zarautzen ondoren, Tolosan eta Eibarren izango dira azaroaren 29 eta abenduaren 6an, igandez, 17:30etan. Sarrerak: www.bertsosarrerak.eus gunean.


Zarautzen, azaroaren 22an
Agin Laburu, Ander Lizarralde, Alaia Martin, Beñat Iguaran, Jon Martin eta Unai Gaztelumendi.

Tolosan, azaroaren 29an
Beñat Gaztelumendi, Unai Agirre, Iñaki Apalategi, Nerea Elustondo, Beñat Lizaso eta Oihana Iguaran.

Eibarren, abenduaren 6an
Nahikari Gabilondo, Iñaki Gurrutxaga, Felix Zubia, Arkaitz Oiartzabal Xamoa, Jon Maia eta Mikel Artola.

Egin beharreko lanak
Bertsolariek 15 bertso puntuagarri kantatuko dituzte finalaurrekoetan. Orain arteko neurriekin alderatuta, 10ko handia da berezitasuna.

    •    Binaka, gaia emanda, hamarreko handian, hiruna bertso.
    •    Bakarka, lehen puntua emanda, zortziko txikian hiruna bertso.
    •    Binaka, gaia emanda, 6 puntuko motzean hiruna bertso
    •    Binaka, gaia emanda, zortziko txikian, hiruna bertso.
    •    Kartzela: bakarka, gaia emanda, nahi den doinu eta neurrian, hiruna bertso.

• 
•