Historikoa 2015-11-13

San Martin, txerria hil eta partiketak

1986ko Txapelketa Nagusian, finalerdiak bi itzulietara jokatu zituzten 1985etik hasitako faseetatik iritsi ziren 16 bertsolarik.
Zortzi bertsolariko bi talde egin eta bakoitzak bi saio jokatu zituen. Lehen finalerdia Tolosan izan zen goizez eta arratsaldez. Eta bigarren Bilbon. Tolosan arratsaldez kantatutako taldeak goizez aritu zen La Casilla polikiroldegian. Eta bertan, puntutako saioa egin behar izan zuten bertsolariek binaka. Jose Luis Gorrotxategi eta Millan Telleria egokitu ziren elkarrekin lan hau egiteko, eta Bernardo Mandalunizek jarri zien gaia: Txerri partiketa.

1986ko txapelketa honetan epaimahaikoak puntuak agerian ematen zituen, jendearen bistan alegia, eta grabazio honen bukaeran entzuten da Euskadi Irratiko esataria puntuak adierazten bere entzuleriari. Zuzenean eman zituen Euskadi irratiak finalerdietako saio hauek.

• 
•