"Idatzitik ahozkora: Euskal ipuingintza egungo liburuetan" 2015-11-12

Xenpelar Dokumentazio Jardunaldiak hasiko dira datorren astean

 Mintzola Fundazioako ahozko kultur generoen elkargunean batzen dira bertsolaritza, ipuingintza, antzerkia eta kantagintza. Elkarlan horren emaitza izan ziren iaz lehenengoz antolatutako Xenpelar Dokumentazio Jardunaldiak. Orduko hartan antzerkia izan zen ardatz. Aurten, ordea, ipuingintzari begira jarriko dira jardunaldietan.

 "Idatzitik ahozkora: Euskal ipuingintza egungo liburuetan"

 Azaroaren 18an eta 25ean egingo dira jardunaldiok, Koldo Mitxelena Kulturgunean, goizeko 10:00etatik 13:30etara. Itziar Rekalde, Pello Añorga eta Bego Alabazan ipuin kontalariek; Xabier Etxaniz, Manu Lopez eta Patxi Zubizarreta idazle eta haur literaturan adituek eta Aines Dufau Ikas Euskal Pedagogia Zerbitzuko zuzendariak hartuko dute parte.

 Aurtengo jardunaldietan haurrentzako euskaraz argitaratutako ipuinak aztertuko dira, ahozko kontaketak egiteko eskaintzen dituzten aukerez hausnartzeko.

 Egitarau osoa ikusi nahi izanez gero egin klik hemen.

• 
•