Ale berezia kaleratuko dute 2015-11-24

100. alera iritsi da "Bertsolari" aldizkaria

 100. alera iritsi da "Bertsolari" aldizkaria. Zenbaki borobila ospatzeko, ale berezia kaleratuko dute, Xabi Payak eta Patxi Gallegok osatua: "Nork" komikia. Bertsolaritzari ikuspegi berezi batetik begiratzea dute helburu.

 Egileek honela laburtu dute komikia: "2013ko Finala BECen, deskarga elektriko batek ziplo utzi du Andoni Egaña, bere bosgarren txapela buruan azken agurra abesteko mikroari heldu dionean. Ertzaintzaren lehen peskizen arabera ez da istripu bat izan, eta susmagarrien zerrenda luzea da: gainerako zazpi finalistak, bertsolarien arrakastari inbidia beltza dioten euskal idazleak, Hitzetik Hortzeraren audientziekin lehiatu ezinean dabilen El conquistador del fin del mundo-ko kideak, bertso eskolen erruz Gabon Gauean koplak baino jasotzen ez dituzten Olentzero eta Mari Domingin…".

 Gaur egin dute aurkezpena Donostiako Koldo Mitxelena Kulturunean.

• 
•