Gipuzkoako Bertsolari Txapelketa 2015-11-26

Bigarren finalaurrekoa igandean Tolosan

Gipuzkoako Txapelketako bigarrren finalaurrekoa jokatuko da igandean Tolosako Usabal kiroldegian,, 17:30etan hasita. Beñat Gaztelumendi, Beñat Lizaso, Iñaki Apalategi, Nerea Elustondo, Oihana Iguaran eta Unai Agirre arituko dira bertsotan eta Iker Iriartek aurkeztuko du. Ohi bezala, sarrerak salgai daude www.bertsosarrerak.eus webgunean.

Lehen finalaurrekoa jokatuta, oraingoz, Alaia Martin da finaleko txartela duen  bertsolari bakarra, Zarauzko finalaurrekoan irabazi ondoren. HIrugarrena eta azkena, Eibarren jokatuko da datorren igandean zortzi.

Finalaurreketako fasean honako lana egin beharko dute bertsolariek:
    •    Binaka, gaia emanda, hamarreko handian, hiruna bertso.
    •    Bakarka, lehen puntua emanda, zortziko txikian hiruna bertso.
    •    Binaka, gaia emanda, 6 puntuko motzean hiruna bertso
    •    Binaka, gaia emanda, zortziko txikian, hiruna bertso.
    •    Kartzela: bakarka, gaia emanda, nahi den doinu eta neurrian, hiruna bertso.

• 
•