Gipuzkoako Bertsolari Txapelketa 2015-12-03

Igandean erabakiko da finaleko zortzikotea

Gipuzkoako Bertsolari Txapelketako hirugarren finalaurrekoa jokatuko da igandean Eibarko Astelena pilotalekuan arratsaldeko 17:30ean. Han izango dira kantuan Arkaitz Oiartzabal "Xamoa", Felix Zubia, Iñaki Gurrutxaga, Jon Maia, Mikel Artola eta Nahikari Gabilondo.

Saiorako sarrerak www.bertsosarrerak.eus atarian erosi ahal izango dituzue bihar eguerdirarte. Igandean arratsaldeko 16:00etan irekiko dituzte leihatilak.

Finaleko zortzikotea erabakiko da
Azken finalaurrekoa denez, han jakingo da zein zortzi bertsolarik abestuko duten finalean. Zarautz eta Tolosako saioak irabazita, Alaia Martin eta Unai Agirrek lortu dute zuzeneko txartela eta Eibarko irabazlea ere zuzenean sailkatuko da finalera.

Gainontzeko bertsolariak puntuazioen zain daude behin behineko sailkapena nola geratzen den ikusteko.

Bertsoaldi onenak telebistan eta sarean
Igande gauean ETB1ek eskainiko ditu Eibarko bertsoaldirik onenak eta astelehenean Bertsoan ikusi ahal izango da hautaketa zabalagoa.

• 
•