Igandean 15:00etan ETB1en 2015-12-04

Bertsoetako inertziak Hitzetik Hortzeran

Iruñea, Legazpi eta Gasteizko bertso-plazetan izango da aste honetako Hitzetik Hortzera eta kantuan Nerea Elustondo, Unai Iturriaga, Fredi Paia, Maialen Lujanbio, Sustrai Colina, Uxue Alberdi...

Eta ahots adina gai bertsotarako: ipotx eta printzeen ipuinak, Oskorriren agurra, kutxazainak, dantzarako teknikak eta Super Euskaldunak bertsozalearen gozamenerako.

Igandeko Hitzetik Hortzeran Maialen Lujanbio eta Sustrai Colinari egindako elkarrizketak ere ikusi ahal izango dituzue. Jakina da bertsolariak eta entzuleak ez direla hutsetik abiatzen ez bertsoak sortzerakoan, ezta jasotzerakoan ere. Denek dituzte euren ideologiak eta iritziak; eta oinarri horietatik abestu eta entzuten dituzte bertsoak. Baina komunikazio horretan ba al daude inertziak? Gai horri buruzko euren iritzia emango dute Lujanbiok eta Colinak.

Hori guztia Hitzetik Hortzeran, igandean 15:00etan ETB1en eta noiznahi EITBren Nahieran atarian.

• 
•