Xenpelar Dokumentazio Zentroa 2015-12-04

Durangoko Azoka eta Guggenheim Museoa

Kontzezio Egunez, abenduaren 8an, bertso-jaialdia egiten dute urtero Markina-Xemeinen Amaiur Kultur Elkarteak antolatuta. Lea-Artibaiko herritarrez gain, Euskal Herri osotik inguratu izan dira bertsozaleak, asko eta asko aurrez Durangoko Azokara bisita eginda.

Kointzidentzia hori aitzaki hartuta, 1997an Joxe Mari Lejardi "Gabixola" gai-jartzaileak aurrez aurre jarri zituen Durangoko Azoka eta Guggenheim Museoa Iratxe Ibarra eta Jon Sarasuaren ahotsean. Zortziko handian "Pello Joxepe" doinuan aritu ziren kantuan.  Aste honetan, bertsoaldi hori ekarri dugu artxibotik.

Datorren asteartean Kontzezio Eguneko bertso-jaialdia

Urtero bezala, aurten ere egingo dute Kontzezio Eguneko bertso-jaialdia Markina-Xemeinen. Datorren asteartean izango da arratsaldeko 17:30ean eta han izango dira kantuan Uxue Alberdi, Amets Arzallus, Andoni Egaña, Maialen Lujanbio, Fredi Paia eta Julio Soto. Xabi Payak egingo ditu gai-jartzaile lanak.