Zumarragako Zelai Arizti aretoan 2015-12-11
Luzio Gabiriaren omenezko jaialdia izango da bihar
Gaueko 22:15ean hasiko da saioa eta Sustrai Colina, Nerea Elustondo, Beñat Gaztelumendi eta Agin Laburu jardungo dira kantuan. Sarrerak erosteko leihatilak ordubete lehenago zabalduko dituzte.
Urtero bezala, aurten ere Luzio Gabiriaren omenezko bertso-jaialdia egingo dute Zumarragako Zelai Arizti aretoan. Bihar izango da hitzordua, gaueko 22:15ean. Honako laukote hau aterako da oholtzara:Sustrai Colina
Nerea Elustondo
Beñat Gaztelumendi
Agin Laburu
Zumarraga-Urretxuko bertso-eskolak antolatu du saioa eta bertako kideak arituko dira gaiak jartzen.
Sarrerak eskuratu ahal izateko, ordubete lehenago zabalduko dira leihatilak. Hamar eurotan salduko dira sarrerak, baina gazteek 7 eurotan erosi ahal izango dituzte. Saioa bukatutakoan, gabonetako saski baten zozketa ere egingo da.
Luzio Gabiria Gabiriko Bekoetxe baserrian jaio eta umetatik bertsozaletu zen. Euskalgintzarentzat urte zailak ziren garaietan, bertsolaritza sustatu eta bultzatzeko lan handia egin zuen. Aurten hogeita zortzigarren edizioa beteko du bere omenez antolatutako jaialdi honek.
Albiste gehiago
Unax Aizpurua Ibargarai - Euskal Herriko Eskolarteko txapelduna 2025-06-16
«Gaitzeko maila izan da eta denak biziki ongi aritu dira»
Atzo zendu zen Kuban 64 urte zituela 2025-06-13
Tomasita Quiala Kubako repentista handia hil da, bertso mundua liluratu zuen artista
Gaur aurkeztu dute Bilbon 2025-06-10
Bizkaiko Txapelketa: 37 bertsolari eta finalaurrekoak bi itzulitara
Danele Sarriugarte - Señora Sariketaren balorazio elkarrizketa 2025-06-05
