Gipuzkoako Bertsolari Txapelketa 2015-12-15

Arkaitz Oiartzabal "Xamoa": "Finalean bakoitzak dugu zer eskainia, baita betebehar bat ere"

"Festa handi bat izango da larunbateko finala. Uste dut zortzi bertsolariak oso konsziente garela plaza zoragarria dela eta zortea dugula hor egoteagatik. Irudikatzen dut gustora kantatuko dugula elkarrekin eta ea lortzen dugun poz hori transmititzea Ilunben".

Arkaitz Oiartzabal "Xamoa"-k garbi du final ona eskaini nahi badute, ezin duela finalista batek ere erori. Ildo horretan uste du "bakoitzak baduela bai zer eskainia baita betebehar bat ere".

"Nik saio oso bat egin nahi dut. Orain artekoetan gustora geratu naiz ariketa batzuekin baina ez saio oso batekin. Eta hori lortu nahi nuke finalean, ikusiko dugu zer esan nahi duen horrek".

"Bidea oso berezia izan da"
Urte hasieran hasi zen txapelketarako prestatzen oiartzuarra, "izan ere, lehenengo aldiz udaberriko sailkapen-fasean abestea egokitu" zitzaion. Udan etenaldia egitea erabaki zuen "urte bukaera artekoa luze joango zelakoan" eta azkenean, "atsedena ere entrenamentuaren parte" izan da; Estatu Batuetan bertsotan ibili baita. Beraz, "zentzu horretan, bidea oso berezia izan da":

• 
•