Gipuzkoako Bertsolari Txapelketa 2015-12-16

Iñaki Apalategi: "Zortziotako batek irabaziko du txapela eta nik ez diot ezerri uko egingo"

"Kontzentrazioa da klabea eta beste saioetan gertatu zaidanaren konsziente izanda badakit zein jarrerarekin joan behar dudan Ilunbera".

Iñaki Apalategik final-laurdenetan abestu zuen lehenengo aldiz txapelketan. Aurrera joan ahala, "txapelketaren exijentzia-mailak goraka egin du eta nire autoexijentzia-maila ere igo egin da. Beraz, finalak eskatzen duena kontuan hartuta maila hobea ematea espero dut".

Edozeinek irabazi dezake txapela
"Uste dut denok ikusi behar dugula geure burua txapela irabazteko hautagai moduan. Zortziotako batek jantziko du eta nik ez diot ezerri uko egingo".

Baina txapeletik haratago, beasaindarrak Ilunbeko giroari begiratzen dio: "oso goxoa da Ilunbe beteta ikustea. Entzutera datorrena zerbait handiaren parte sentitzen da. Espero dut orain lau urteko sentsazio horiek larunbatean erreproduzitzea":

• 
•