Gipuzkoako Bertsolari Txapelketa 2015-12-16
Jon Maia: "Oholtzan ez dut besteek baino obligazio gehiago dudanik sentitzen"
"Euskal Herriko txapelketako erorialdia eta gero" erabaki bat hartu behar izan zuen Jon Maiak: txapelketetan parte hartzen jarraitu edo atseden hartu. Azkenean Gipuzkoakoan parte hartzea erabaki zuen "txapelketako sentsazio onak berreskuratzeko". Eta ez du damurik, "poz asko" eman baitizkio txapelketak.
"Ez nuen uste inoiz gehiago Gipuzkoako finalean abestuko nuenik eta hemen nago. Bizitzak egoera hauetan jartzen gaitu eta ohartzen gara oraindik zenbat dugun ikasteko, zenbat gauza gainditzeko... ". Jon Maiak "autosuperazio" moduan definitzen du bere bertso-ibilbidea eta Gipuzkoako Txapelketa ere bide horretan kokatzen du. "Euskal Herriko txapelketaren erorialdiaren ondoren, bi aukera nituen: txapelketetan parte hartzen jarraitu edo atseden hartu. Ez nuen sentsazio txar horrekin geratu nahi eta Gipuzkoakoan parte hartzea erabaki nuen. Eta azkenean, txapelketaren sentsazio onak berreskuratzeaz gain poz asko izan ditut: Gipuzkoako finalean kantatzearena, Euskal Herrikora sailkatzea, neure burua harritzearen poza...." dio zumaiarrak.
Zeure burua harritzeko gaitasuna
Finalean "denok erakutsi nahi dugu gure bertsiorik onena baina ez dut uste hori nahikoa denik txapela irabazteko. Zeure burua harritzea ere lortu behar duzu".
"Txapelketa honetan izan ditudan sentsazio on guztiak izan nahi ditut larunbatean eta ez dut inork baino obligazio gehiago sentitzen. Edozeinek edozeini irabazi dakioke" Jon Maiaren arabera.
Albiste gehiago
Larunbatean 21:00etan ETB1en 2025-03-20
Donostiako Intxaurrondo eta Mendaroko bertsoak Hitzetik Hortzeran, Marisa Barrena wikilari bertsozalearekin
Martxoak 8 - Emakumearen Nazioarteko Eguna 2025-03-05
