Gipuzkoako Bertsolari Txapelketa 2015-12-17

Unai Agirre: "Ia 8.000 ikusle izango dira Ilunben eta horiei zor diegu saio on bat"

“Egin beharreko lanak ondo egindako sentsazioarekin” sentitzen da Unai Agirre. Hala ere, “ahalik eta ondoen egin nahi dut finalean. Nik nahiko nukeena, bertsotan dakidana egitea da eta neuk egiteaz gain, saioa bera borobil xamarra ateratzea".

Hirugarren aldia da Gipuzkoako Bertsolari Txapelketako finalera iristen dela eta sentsazioak ere ezberdinak izan dira. “Lehenengo finalean sentsazio ona izan nuen, saio borobila geratu zitzaigun eta gure arteko giroa ere ona izan zen. Bigarrenean aldiz finala hotz sentitu nuen eta ez nuen gehiegi gozatu. Ea zer gertatzen den larunbatean".

Plazako joeretan kantatzen
Unai Agirrek, “sekula iritsi ez den tokietara” iritsi nahiko luke finalean, eta horretarako “geroz eta gehiago saiatzen naiz plazako joeretan kantatzen, nik dakidana erakusten eta ahal dela lasai kantatzen. Batzuetan asmatzen da eta besteetan ez, ikusiko dugu finalean”.

• 
•