Telebistan eta interneten izango da aukera 2015-12-17

Gipuzkoako finala larunbatean zuzenean eta igandean Hitzetik Hortzeran

Larunbatean Donostiako Ilunbera joateko aukerarik ez duenak ere zuzen-zuzenean jarraitu ahal izango du Gipuzkoako Bertsolari Txapelketako finala. Aitzol Barandiaran eta Anjel Mari Peñagarikanok gidatuta, Ilunbeko bertsoez eta giroaz gozatu ahal izango duzue internet bidez eta telebistan.

Internet bidez, www.bertsoa.eus eta www.eitb.eus atarietan emitutuko da finala eta telebistan, ETB4 kateak osorik eskainiko du zuzenean. ETB1-ek gaueko albistegien ondoren egingo du bat Ilunberekin.

Larunbatean arratsaldeko 16:55etan hasiko da emisioa eta Txapeldun berriaren hitzekin amaituko da gaueko 21:00ak aldera.

Igandean finalari buruzko Hitzetik Hortzera berezia
Biharamunerako Hitzetik Hortzera berezia prestatuko dute finaleko bertsoaldi onenekin eta Txapeldunaren hitzekin. Hori igandean izango da, arratsaldeko 15:00etan ETB1en eta noiznahi EITBren Nahieran atarian.

• 
•