Udal batzar aretoan 2015-12-16

Koxme Lizasori omenaldi beroa Oiartzunen

Koxme Lizaso zenak omenaldi beroa jaso zuen bere herrian, Oiartzunen, joan den larunbatean. Udaletxeko pleno aretoa erabat beteta zela, udal ordezkarien eta bertsozaleen aitortza jaso zituen. Antton Kazabonek Oiartzungo bertso eskolaren izenean hartu zuen hitza eta Koxme Lizasoren bertso ibilia eta herriko bertsolaritzaren errepasoa egin zuen. Exteban Martiarenak Koxmeri egidako elkarrizketaren pasarte batzuk ere ikusi ahal izan ziren.
Kontsuelo Aizpurua emazteak ere jaso zuen Udalaren aitortza eta lore sorta jaso zuen Jexux Leon alkatearen eskutik. Koxmeren hiru alabak ere oholtzan izan ziren. Hasierako ekitaldi honetan, Txomin Garmendiak eta Eneko Huizik, Koxmeren bilobak, kantatu zuten. Ondorenean, bertso saioa izan zen, Patxi Etxeberria, Anjel Mari Peñagarikano, Amets Arzallus eta Jon Martin kantari zirela, Ander Lizarraldek gaiak jarrita.

Ekitaldiari buruzko argazkiak eta bideoak Oarsoaldeko Hitzan

• 
•