Xenpelar Dokumentazio Zentroan 2015-12-24

Gabonak bakarrik ez pasatzeko gonbita

Gaurkoan dakarzkigunak Jon Enbeitak kantatu zituen 1992ko Bizkaiko Txapelketan (orduan Araba eta Bizkaiko Bertsolari Txapelketa). Bilboko Arriaga antzokian jokatu zen final hura, eta Jon Enbeitak berak eraman zuen txapela Unai Iturriagarekin buruz burukoa jokatu ondoren. Bere bigarren txapela zen.

Bederatzi puntu dituen neurri luzean heldu zion muxikarrak gaiari, berak sortu eta 1989an plazaratutako "Munduko ilunabarra" doinu hunkigarrian.

Gabon inguruko gaiak eta bertsoak
Azkenaldian urtearen hondarrean egin izan dira Bertsolari Txapelketetako finalak; abenduan. Urte garai honetan izanda behin baino gehiagotan entzun izan ditugu Gabon inguruko gaiak eta bertsoak. 1992ko honetan, gai hau jarri zion Bernardo Mandalunizek Jon Enbeitari: " Zu aspalditik, bakar-bakarrik bizi zara. Gaur, Gabon eguna dala eta, zu zaintzera etortzen den asistentza sozialak bere etxera afaltzera joateko esan dizu".

• 
•