Arabako Bertso-Kuadrilla Artekoa 2016-01-28
Larunbatean Laudion ospatuko da bigarren topaketa
Egun osoko egitaraua prestatu dute: bertso-poteoa goizean, bazkaria Basalarrina Elkartean eta kopla txapelketa bazkalostean. Gasteizko "Errexala" eta "Aizkorak Zorroztu", Arabar Errioxako Bertso-Eskola eta Aiaraldeko Bertso-Eskolako taldeak ariko dira kantuan.
Joan zen asteburuan abiatu zen aurtengo Arabako Bertso-Kuadrilla artekoa Izarran, eta larunbat honetan Laudion ospatuko da bigarren topaketa, Aiaraldeko bertso-eskolak antolatuta. Arabako lau bertso-eskoletako taldeak ariko dira kantuan:-Errexala (Gasteiz)
-Aizkorak Zorroztu (Gasteiz)
-Arabar Errioxako Bertso-Eskola
-Aiaraldeko Bertso-Eskola
Egun osoko egitaraua
Egun osoko egitaraua izango dute Laudiora bertaratzen direnek. Basalarrina elkartean izango da lehenengo hitzordua, eguerdiko 12:00etan. San Blas Eguneko ospakizunak ere izango direnez, herriko tabernetan barrena bertso-poteoa egingo dute ordu horretan abiatuta. Taldeetako ordezkariak ariko dira kantuan taberna bakoitzean.
Tabernaz tabernakoa eguerdiko 14:30ean bukatuko da Basalarrina Elkartearen egoitzan bertan, han egingo baitute bazkaria. Bazkalostean, berriz, Kopla Txapelketa egingo dute talde guztietako ordezkariekin.
Albiste gehiago
Larunbatean 21:00etan ETB1en 2025-03-20
Donostiako Intxaurrondo eta Mendaroko bertsoak Hitzetik Hortzeran, Marisa Barrena wikilari bertsozalearekin
Martxoak 8 - Emakumearen Nazioarteko Eguna 2025-03-05
