Xenpelar Dokumentazioa Zentroa 2016-01-29

Joxe Usabiaga "Zamalbide": "hurrengoan baratxuri-zopa"

Urtero bezala, aurten ere badator Bertso Eguna eta lehen egiten zen bezala, Kursaalean izango da afaria eta afalosteko saioa.

Kursaaleko jatetxean afaria egin zen lehen urtea 2002ko Bertso Egunekoa izan zen. Eta gerora bertara bueltatu bazen ere, hurrengo urtean ez zen errepikatu. Arrazoi nagusia emandako afari "tristea". Bertsolaritzaren historiarako gelditu da, eta hemen dakarkigu zati bat, Andoni Egañak eta Joxe Usabiaga "Zamalbide"- k osatu zuten bertsoaldia afaria bera gaitzat hartuta. Honelaxe kantatu zuen Zamalbidek: “hurrengoan baratxuri zopa”.

Aurten ez da baratxuri zoparik egongo, baina menu ederra prestatu du Bertsozale Elkarteak: Entsalada, txanpiñoiak, bakailaoa ajoarriero erara, arrain zopa, arkume errea patata purearekin eta arroz esnea. Edariak, txotxa eta kafea. On egin daigula!

• 
•