Arabako Bertso-Kuadrilla Artekoa 2016-02-18

Egun osoko festa izango da larunbatean Kanpezun

"Bapateroak", "Lautadako Sorginetxe", "Zalduondoko Lupizarrateko Txerrenak" eta "Mendialdea" taldeak ariko dira kantuan. Eguerdiko 12:00etan elkartu eta tabernaz taberna bertso-poteoa egingo dute. Bazkaldu eta, arratsaldean, bertsoa eta herri kirolak uztartuz saio berezia egingo dute. Iluntzean dantza emanaldi batekin borobilduko da eguna.

Egun osoko festa prestatu dute larunbaterako Kanpezun, Arabako Bertso-Kuadrilla Arteko laugarren topaketarako. Lau talde elkartuko dira bertan:

Bapateroak (Gasteiz)
Lautadako Sorginetxe
Zalduondoko Lupizarrateko Txerrenak
Mendialdea

Mendialdeko bertso-eskolak egitarau zabala prestatu du egun horretarako.

Poteoa, bazkaria, herri kirolak...

Eguerdiko 12:00etan elkartuko dira herriko plazan eta tabernaz taberna bertso-poteoa osatuko dute. Ondoren, 14:30ean bazkaria egingo dute Ibernalo aterpetxean eta bazkalostean frontoian edo plazan bertsoa eta herri kirolak uztartuz saio berezia egingo dute talde guztietako bertsolariekin.

Azkenik, iluntzeko 19:00etan "Herririk Herri Dantzarik Dantza" saio berezia izango da frontoian, Gasteizko JARE eta Kanpezuko IOAR dantza taldeekin.

Albiste gehiago

Larunbatean 21:00etan ETB1en 2026-05-15

Egun osoko festa izango da larunbatean Kanpezun

Albiste gehiago

'1tz4l1 eta P1ztU', Zarauzko jaialdia eta Xabi Paya gonbidatu Hitzetik Hortzeran

«Gazteon gaiak bertsotara eraman eta hain bertsozalea ez den publikoarekin konektatzea bilatzen dugu»

«Bertsotarako gogotsu nago»

Aitor Sarriegiren bertso ibilbidea Hitzetik Hortzeran

Araba final berri eta ireki baten aurrean

«Bertsolari baten sormen prozesua irudikatu nahi izan dut antzerkiaren begietatik»