Bigarren kanporaketa 2016-02-23

Beñat Mujika, Gipuzkoako eskolarteko bigarren finalista

Aurrera darrai Eskolarteko txapelketak Gipuzkoan. Lasarte-Oriako Arrieskalleta elkartean izan zen bigarren kanporaketa pasa den ostiralean. Hirurogei lagun inguru bildu ziren afalondoren eta kantuan berriz, Aitor Balerdi, Asier Ibarguren, Jokin Irastorza, Josu Ibarguren, Iraitz Sarasola, Paul Iruretagoiena eta Beñat Mujika aritu ziren. Azken honek irabazi zuen Lasarteko kanporaketa, beraz, zuzenean Eibarko Coliseoan ospatuko den finalerako sailkatu zen. Gainontzekoek beste saioetako emaitzen zain egon beharko dute.

Datorren ostiralean Zarautzen
Hurrengo kanporaketa ostiral honetan, otsailaren 26an izango da Zarauzko Urpekoak elkartean. Bertsotan: Ane Peñagarikano, Jon Ander Iriondo, Julen Eizmendi, Beñat Clemente, Andoni Mujika eta Iker Ormazabal. Afaria 19:00etan hasiko da eta honako txartelak asteazkenera arteko epearekin erosi ahalko dira www.bertsosarrerak.eus webgunean.

• 
•