Bigarren faseko bigarren saioa jokatuko da 2016-02-25

Ostiralean Bardoak Leitzan izango dira

Bardoak taldekako txapelketaren bigarren faseko bigarren saioa jokatuko da ostiralean Leitzako Atekabeltz gaztetxean. Gaueko 22:00etatik aurrera kantuan izango dira bertako  "Atekaberts"  taldea eta Lesakako "Unibertsolariak".

Leitzako taldetik Migel Mari Elosegi “Luze”, Joanes Illarregi eta Xabat Ilarregi  bertsolari gazteak ariko dira kantuan eta talde lesakarrean berriz, Iban Garro, Josu Sanjurjo, Jon Silveira eta Joxe Juan Zubieta “Etxabe”.

Talde irabazleak finalerako txartela gertuago izango du baina martxoaren 4ean Igantzin jokatuko den itzuliko saioan erabakiko da bi taldetatik zein sailkatuko den finalera.

Hurrengo astean saio erabigarriak
Lau saio jokatuko dira hurrengo asteburuan eta horietan erabakiko dira hiru talde finalistak. Martxoaren 19an izango da finala Etxarri-Aranatzen.

• 
•