Arabako Bertso-Kuadrilla Artekoa 2016-02-25

Larunbatean Errekaleorren izango da hitzordua

Gasteizko bertso-eskolek antolatuta, bertso-sorta emanaldia, bazkaria eta "bertso-guda" izango dira bertan. "Errexala", "Kakiturri", "Ezjatzu gustaubiher" eta "Aiaraldea" taldeak ariko dira kantuan. Argantzunen martxoaren 12an egingo da Kuadrilla Artekoaren azkeneko festa, eta larunbatekoa bosgarren topaketa izango da. Azkeneko topaketa Oionen izango da martxoaren 5ean.

Azkeneko txanpan sartu da Arabako Bertso-Kuadrilla Artekoa. Trebiñutik abiatu eta Argantzunerako bidean, bosgarren topaketa ospatuko da larunbat honetan Errekaleorren. Gasteizko bertso-eskolak antolatu du larunbateko topaketa.

Sorta idatziak, bazkaria eta bat-bateko saioa

Eguerdiko 12:00etan hasiko da festa. Errekaleorreko Gaztetxetik abiatuta, auzoko gune ezberdinetan bertso-sorta idatziak kantatuko dituzte zazpi taldek.

Eguerdiko 12:30ean izango da bazkaria eta, bazkaldu ondoren, Errekaleorreko zineman bat-bateko saioa osatuko dute honako lau talde hauek:

Errexala (Gasteiz)
Kakiturri (Gasteiz)
Ezjatzu gustaubiher (Aramaio)
Aiaraldea

Datorren asteburuan Oionen

Martxoaren Argantzunen egingo da azkeneko festa, Kuadrilla Artekoan parte hartu duten talde guztietako ordezkariekin. Hala ere, aurretik, martxoaren 5ean, Oionen izango da seigarren topaketa.

Albiste gehiago

Larunbatean 21:00etan ETB1en 2026-05-15

Larunbatean Errekaleorren izango da hitzordua

Albiste gehiago

'1tz4l1 eta P1ztU', Zarauzko jaialdia eta Xabi Paya gonbidatu Hitzetik Hortzeran

«Gazteon gaiak bertsotara eraman eta hain bertsozalea ez den publikoarekin konektatzea bilatzen dugu»

«Bertsotarako gogotsu nago»

Aitor Sarriegiren bertso ibilbidea Hitzetik Hortzeran

Araba final berri eta ireki baten aurrean

«Bertsolari baten sormen prozesua irudikatu nahi izan dut antzerkiaren begietatik»