Argi Berri Sarian sailkatu ziren larumbatean 2016-03-08

Maider Arregi eta Jon Gurrutxaga Osinalde Sariketan izango dira

Maider Arregi eta Jon Gurrutxaga dira Osinalde Sariketara sailkatu diren lehen bi bertsolariak. Larunbatean jokatu zen lehen kanporaketa, XIX. Argi Berri Saria, eta entzuleek eta epaimahaiak bat egiten zuten erabakian. Epaileen esanetan, "guztiak aritu dira txukun eta entzuleak oso gustura geratu dira saioarekin, baita bertsolariak eurak ere, egindako lanarekin”.

50 entzuleren aurrean aritu ziren kantuan bertsolariak. Maider Arregi eta Jon Gurrutxagarekin batera, Aitor Bizkarra, Sarai Robles, Aitor Servier eta Gemma Urteaga izan ziren. Igor Egurenek egin zituen gai-jartzaile lanak eta koplatan aritzeko Furriela eta Josu trikitilarien laguntza izan zuten.

Sariak denentzat
Bertsolarien lana eskertzeko, “Irriz eta Malkoz” bertso bilduma oparitu zieten sei bertsolariei eta horrez gain, Maider Arregi saioaren irabazleak Antton Mendizabal eskultoreak egindako “Txikia” saria jaso zuen Juan Mari Gereñu, Argi Berri Elkarteko presidentearen eskutik.

Hurrengo kanporaketa datorren larunbatean
Zaldibiako Osin Berde elkartean jokatuko da bigarren kanporaketa datorren larunbatean. Osin Berde Sarian arituko dira kantuan Eneko Araiztegi "Korta", Aratz Igartzabal "Potto", Unai Mendizabal, Asier Rubio, Maddi Sarasua eta Mikel Tapia. Saio horretan  beste bi bertsolari sailkatuko dira apirilaren 2an jokatuko den Osinalde Sariketara.

• 
•