Igandean 15:00etan ETB1en 2016-03-18

Oholtzako apaingarriei buruz Hitzetik Hortzeran

Denetatik ikusi dezake plazaz plaza dabilenak: zaindu gabeko oholtzak, goxo prestatutakoak, intentzio onarekin egin baina egokiak ez direnak... eta noski, bertsotan arituko den lekuak eragiten dio bertsolariari. Aste honetako Hitzetik Hortzeran oholtzen itxura eta atrezzoa aztertuko dira eta Amaia Agirrek bere bizipenak kontatuko ditu.

Adibide gisa Villabonako bertso-saioa erakutsiko dute. Izan ere, urtero oso itxura berezia ematen diote oholtzari Estanis Iriartek eta bere kideek. Aurten erromeri-giroan jarri dituzte sei bertsolariak eta berak azalduko du prestaketaren zergatia.

Maialen Lujanbio eta Igor Elortzaren bertsoaldi bat ekarriko dute gogora, 1994koa; eta bertso berrien artean, Villabonakoak, Andoaingoak, Elizondokoak eta Biriatukoak.

Hori guztia Hitzetik Hortzeran, igandean 15:00etan ETB1en eta noiznahi EITBren Nahieran atarian.

• 
•