ostiralean jokatu zen Bilbon 2016-03-21

Hego Uribek irabazi du BBK Sariketa

Hego Uribek (Bilboaldeak) irabazi du Bizakiko Bertsolari gazteen XXIV. BBK Sariketa. Busturialdea eta biak izan dira finalean. Finala, BBK Sariketak ohi duenez, bi ataletan egin da, 15-18 urte artekoen txanda izanda lehenbizi eta 24 urte artekoena ondoren. Lan guztiak amaituta, Hego Uribek 404 puntu lortu ditu; Busturialdeak, ostera, 393 puntu.

Finalean 12 bertsolari gazte jardun dira kantuan. 18 urtera artekoetan, Busturialdeko taldean airtu dira, Beñat Bilbao Landa, Julen Karrion Lamikiz eta Lurdes Ondaro Mallea; Hego Uribeko taldean, ostera, Ander Anakabe Lekue, Enare Muniategi Etxabe eta Iker Garitagoitia Astigarraga.
24 urtera artekoetan, Busturialdeko taldean Aitor Etxebarriazarraga Gabiola, Ibai Amillategi Omaetxebarria eta Gurutz Uruburu Ibarguengoitia; Hego Uribe taldean, Txaber Ormazabal Villanueva, Andere Molinuevo Martin eta Peio Molinuevo Martin.

Bizkaiera onenaren saria Lurdes Ondaro Malleak eraman du etxera. Sari banaketa ekitaldian Leire Aragón BBK-ko ordezkariak, Juan Gomez Ikastolen Elkarteko ordezkariak eta Beñat Vidal Bizkaiko Bertsozale Elkarteko sustapen arduradunak hartu dute parte. Bizkaiko Bertsozale Elkarteak eskerrak eman gura dizkie aurtengo BBK Sariketan parte hartu duten guztiei.

Finalean, Itxaro Juaristi Olaetxea ibili zen aurkezle beharretan. Epaimahai Alaitz Etxanobe Bereziartuak, Leire Etxebarria Gazteluk eta Miriam Juaristi Urizarrek osatu dute. Idazkari beharretan Jurgi Fuentes Goikoetxea aritu da.

• 
•