Igandean 15:00etan ETB1en 2016-03-25

Saioak ixteari buruz Hitzetik Hortzeran

Hitzetik Hortzera ari da denboraldi amaierara iristen eta azken aurreko atala eskainiko du igande honetan. Amaieran pentsatzen jarrita, bertsolariek saioak nola ixten dituzten aztertuko dute aste honetan.

Saioa nola hasten denaren adinako garrantzia izan dezake nola amaitzen den. Bertsolariak bertsoaren amaiera pentsatzen omen du hasieran. Baina ofizioan ari denean pentsatzen ote du bertsoaldiaren amaiera? Eta banaka ari denean, nola banatzen du edukia azken bertsoan esan nahi duena esateko? Agin Laburuk eta Oihana Bartrak kontatuko dute nola ixten dituzten saioak.

Bardoen finaleko bertsoaldi onenak
Pasa den larunbatean Etxarri-Aranatzen jokatu zen Nafarroako Bardoak taldekako txapelketako finala. Hango bertsoaldi onenak eta protagonisten hitzak ere izango dira Hitzetik Hortzeran. Horrekin batera, Bergarako jaialdiko bertso onenak ere bai.

Hori guztia, aste honetako Hitzetik Hortzeran igandean 15.00etan ETB1en eta noiznahi EITBren Nahieran atarian.

• 
•