Bihar izango da lehenengo saioa 2016-04-05
Aldaketekin dator Gasteizko Bertsokatu ekimena
Bihar izango da Bertsokatu ekimenaren lehen ekitaldia Gasteizen. Orain arte sariketa formatuan antolatu izan dute baina aurten, bi bertso-poteo egingo dituztela aurreratu dute antolatzaileek. Lehenengoa bihar izango da Garraxitik Hala Bedira eta han izango dira kantuan Manex Astigarraga, Antton Aizpurua, Oier Arbina, Izar Mendiguren, Txaxio Rezusta, Koldo Gezuraga, Paula Amilburu eta Asier Rubio. Bertso-poteoa 18:30ean hasiko da.
Sariketa formatua eman izan diote orain arte Bertsokatu ekimenari baina aurten aldaketekin dator. Gasteizko Kutxiko Katuak taldeak antolatzen du eta aurten, bi bertso-poteo egingo dituztela aurreratu dute.Lehenengoa bihar izango da. Arratsaldeko 18:30ean abiatuko dira Garraxitik eta kalez kale eta tabernaz taberna ibiliko dira kantuan Hala Bediraino. Bertsolari hauek hartuko dute parte: Manex Astigarraga, Antton Aizpurua, Oier Arbina, Izar Mendiguren, Txaxio Rezusta, Koldo Gezuraga, Paula Amilburu eta Asier Rubio. Bertso-poteoa 18:30ean hasiko da.
Bigarren zita datorren astean
Hurrengo asteazkenean egingo dute bigarren bertso-poteoa. Ordu berean baina alderantzizko bidea egingo dute bertsolariek eta bertsozaleek, Hala Beditik Garraxira. Han izango dira kantuan: Ander Solozabal, Mikel Lasarte, Beñat Torres, Maddi Sarasua, Aitor Salegi, Maria Izaga, Jon Ruiz de Pinedo eta Egoitz Iradier.
Albiste gehiago
Larunbatean 21:00etan ETB1n 2024-11-14
Hitzetik Hortzerak bertsolarien kantakera aztertuko du Ainhoa Aizpurua ikerlariarekin
Larunbatean 21:00etan ETB1n 2024-11-07
Martin Goikoetxea bertsolari 'amerikarra' eta Nafarroako Bardoak Hitzetik Hortzeran
Datorren astelehenean hasiko da Bilbon 2024-10-31
Helduak bikoteka aurten BBK Sarian eta finala Durangoko Azokaren girora hurbildu dute
Eneko Lazkoz Martinez - Bertsolari Bertsozale Podkasta 2024-10-25
«Txapelketak bertsoarekin lotura mantentzeko modu bat eman dit eta harreman oso onak»
‘Bertso Bira’ Gipuzkoako Foru Aldundia eta Lankuren eskutik 2024-10-24
