Bizkaiko Bertsolari Txapelketa 2016-04-07

Igandean abiatuko da Udaberriko fasea

 Igande honetan abiatuko da Bizkaiko Bertsolari Txapelketako Udaberriko fasea. 56 bertsolari ariko dira kantuan lehenengo fase honetan. Udazkeneko fasean, udaberriko fasetik sailkatu direnei, inoiz txapelketako finalen batean kantatu duten bertsolariek ere kantatzeko eskubidea izango dute, eta fase horretan denera 30 bertsolari ariko dira.

 Berrizen hasiko da aurtengo txapelketa, arratsaldeko 17:30ean, Kultur Etxean. Honako seikote hau ariko da kantuan:

 Aitor Bizkarra
 Beñat Romero
 Iñaki Lersundi
 Lander Ibarluzea
 Mikel Galarza
 Peru Vidal

 Itxaro Juaristi ariko da aurkezle lanetan.

 Egin beharreko lana

 Bertsolariek honako lan hauek egin beharko dituzte:

 -Hiruna bertso ofiziotan, zortziko nagusian
 -Hiruna bertso ofiziotan, zortziko txikian
 -Launa kopla ofiziotan, lauko handian
 -Bakarkako lana: gai bati buruz bi bertso, doinu eta neurri librean

 Sarrerak bertan

 Sarrerak ezingo dira aurretiaz erosi. Igandean bertan, saioa hasi baino ordubete lehenago zabalduko dira Kultur Etxeko leihatilak eta bertan eskuratu ahal izango dira. Sarrera arruntak 3 euroko prezioa izango du, baina Bertsozale Elkarteko bazkideek 2 eurotan lortu ahal izango dute eta 16 urtetik beherakoek doan.

• 
•