Eibarren, egun osoz 2016-04-12

Nafarroako eskolarteko finala ostiralean

Igande honetan ospatuko da Eibarren Gipuzkoako Bertso Eskolen Eguna, eta Eskolarteko finala ere bertan jokatuko da. Goizeko 11:00etan hasiko da Coliseo antzokian eta aurrez eginiko bost kanporaketetatik sailkatutako ondorengo zortzi bertsolariek abestuko dute: Gontzal Belategi, Beñat Mujika, Andoni Mujika, Aizpea Garmendia, Urko Arregi, Itziar Mendia, Libe Goenaga eta Ane Peñagarikano. Gai-jartzaile lanetan Saroi Jauregi arituko da.

Finala bukatu ondoren elkarrekin bazkaltzeko aukera izango dute gaztetxoek arratsalderako prestatutako jolasei ekin aurretik.

Sarrerak www.bertsosarrerak.eus gunean
Egun honetarako autobuseko txartela eta kamiseta salgai egongo dira www.bertsosarrerak.eus webgunean martxoaren 31 arte.

• 
•