Ostiralean hasi zen Araban 2016-04-11

Izar Mendiguren Oholtzapetik egitasmoko lehen finalista

Izar Mendiguren aukeratu zuen publikoak Oholtzapetik egitasmoaren lehen kanporaketan, Ozaetan jokatutako saioan. Berekin batean, Iñaki Viñaspre, Julen Zulaika eta Orlando Arreitunandia aritu ziren kantuan, Nieves del Alamo aurkezle zela. Plazako saio bizia eta gustagarria bertaratutako entzuleentzat. Saioan, 35 lagunek epaitzeko ariketa egin zuten eta Mendiguren izan zen euren gustokoena eta ondorioz maiatzaren 13an Legution kantatuko duena.

Murgian hurrengo saioa
Datorren ostiralean, Murgiako liburutegian, 20:30an, bigarren kanporaketa jokatuko da. Aintzane Irazusta gai-jartzailearen eskutik Oihane Perea, Asier Otamendi, Iker Agirre eta Peru Abarrategik kantatuko dute.

• 
•