Bertso txiki, saio haundi 2016-04-12

Zeraingo desafioko lehen saioan Zeberio eta Igartzabal irabazle

Pasa den ostiralean jokatu zen lehen saioa Zerainen, eta Xabier Zeberio eta Aratz Igartzabalek irabazi zuten. Maialen Akizu eta Iñaki Murua aritu ziren kantuan beraiekin.

"Bertso txiki saio haundi" bertso desafioko antolatzaileak "gustora" daude lehen saioarekin; "jende asko hurbildu zen eta giro onean gainera". Bertso desafio hau Zeraingo Zerainlab ekimenak antolatu du, eta bertsolariek bikoteka hartuko dute parte neurri txikiko doinuetan kantatuz.

Bigarren eta azken finalaurrekoa datorren ostiralean
Datorren ostiralean jokatuko da bigarren eta azken finalaurrekoa Zerainen eta han erabakiko da bigarren bikote finalista. Gemma Urteaga eta Millan Telleria, eta Eneko Araiztegi eta Mikel Mendizabal bikoteak arituko dira kantuan. Lehen saioa 19:00etan Ostatun izango da, bigarrena 20:00etan Mandion eta hirugarrena afalostean Otatza sagardotegian.

Finala apirilaren 30ean izango da, bazkalostean.

• 
•