Bizkaiko Bertsolari Txapelketa 2016-04-14

Bermeon jokatuko da bigarren kanporaketa

 Joan zen asteburuan abiatu zen Bizkaiko Bertsolari Txapelketako Udaberriko fasea Berrizen. Bermeon jokatuko da bigarren kanporaketa igande honetan, arratsaldeko 18:00etatik aurrera, Kafe Antzokian. Olatz Larrinaga aurkezle dela, honako seikote hau ariko da kantuan:

 Aitor Arrutia Azkueta
 Ander Elortegi Garatea
 Dani de Miguel Avecilla
 Imanol Arrutia Azkueta
 Jone Larrinaga Dañobeitia
 Julen Ibarguengoitia Ordorika

 Epaimahaian, berriz, Jon Jaio Aiartzaguena, Mirari Azula Aurrekoetxea eta Miriam Juaristi Urizar ariko dira Itziar Basterretxea Olarreaga idazkari dutela.

 Egin beharreko lana

 Bertsolariek honako ariketa hauek egin beharko dituzte:

 -Zortziko handian ofiziotan hiruna bertso
 -Zortziko txikian ofiziotan hiruna bertso
 -Lauko handian ofiziotan launa kopla
 -Bakarkako lana: gai bati buruz bi bertso, doinu eta neurri librean

 Sarrerak bertan eskuragarri

 Sarrerak Kafe Antzokiko txarteldegian bertan erosi ahal izango dira. Saioa hasi baino ordubete lehenago zabalduko dira leihatilak, 17:00etan, alegia.

• 
•