Europa Bat-Batean 2016-04-18

Lau hizkuntza elkarrekin Hernaniko oholtzan

Atzo izan izan Europa Bat-batean egitasmoko bigarren saioa, Hernanin. Kurdistan, Sardinia, Herrialde Katalan eta Euskal Herriko inprobisatzaileek ikuskizun ederra eskaini zuten beste behin.
Aurrera doa Europa Bat-batean egitasmoa, eta igandearekin batera, bigarren saioa izan zen Hernaniko Biteri areto bete betean. Aurreko saioa, Bilbokoa, baino laburragoa izan zen. Izan ere, egin beharreko lanak zehaztuago zeuden eta itzultzaileen zeregina ere egokiago landua zuten. Aparteko giroan,  ikus-entzuleek bero erantzun zieten inprobisatzaileen ahaleginari.

Kurdistango Zinar Ala dengbêj-ak, instrumenturik gabe eta perkusioarekin aritu zen doinu eta gai tristeetan zein ezkontzetako alaiagoetan. Sardiniako Simone Monni eta Paola Dentoni cantadoriek ohiko ahots laguntzaileez gain, Michele Deianaren “launeddas” musika tresna izan zuten akonpainamendu. Eta Herrialde Katalanetako Christian Simelio eta Anais Falco corrandistek ere Gerard Diez musikaria izan zuten alboan. Euskal Herritik, Maialen Lujanbio eta Arrate Illarok kantatu zuten Hernaniko saioan.

Bukaera aldera nahastu ere egin ziren, eta euskaldunak sardiniarrekin edo katalanekin batera aritu ziren kantuan. Bukaerako agurra ere doinu berean egin zuten eta une hunkigarriari txalo zaparrada luzez, oso luzez, erantzun zien entzuleek.

Hurrengo saioa, Donostian, asteartez

Donostian, UPV/EHUko Ignacio Maria Barriola eraikinean, 18:30etik  aurrera izango da hurrengo emanaldia. Sarrera daokoa da, baina hurbiltzeko asmoa duenak gonbidapena eskatu beharko du gi-kultura@ehu.eus helbidera idatzita.

Europa Bat-batean bertsotan: Aitor Mendiluze
Gai-jartzailearen bizipenak: Maite Berriozabal

Albiste gehiago

Jone Uria Albizuri - Señora Sariketako Pameladuna 2024-06-14

«Goazen saiatzera irudikatzen nolakoa nahiko genukeen izatea lehia»

Jon Agirresarobe Lopetegi 'Torrotxo' - Bertsolari Bertsozale podkasta 2024-05-17

«Lagunartean bildu eta bertsotan egitea izan da bertsolaritzak eman didan gauzarik ederrena»

Anonyme Popularren agurreko kontzertuak maiatzean eta ekainean 2024-04-18

Anonyme Popular: 'Azken agurrak' bira Gasteiz, Baiona eta Bilbon

Maddi Aiestaran Iparragirre - Osinalde Sariko balorazioa 2024-04-08

«Helburua zen guretik kantatzea eta uste dut neurri handi batean lortu dugula»

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»