Europa Bat-Batean 2016-04-29

Girotze saioetako une onenak bihar ETB1en

 Udazkenean abiatu zen Europa Bat-Batean ekimena, Leonen eta Bartzelonan egindako egonaldiekin. Joan zen astean, berriz, Euskal Herrian Girotze Saioak egin ziren eta, bertsolariekin batera, Sardiniatik etorritako cantadoriak, Kataluniatik etorritako glosadore eta corrandistak eta Kurdistandik etorritako Dengbêj bat aritu ziren.

 Bilbon, Hernanin, Donostian, Iruñean, Markina-Xemeinen, Uztaritzen eta Aramaion egin ziren saioak. Sardiniaren ordezkari Simone Monni eta Paola Dentoni cantadoriak aritu ziren Stefano Cara eta Michele Deiana ahots laguntzaileak ondoan zituztela; Herrialde katalanetatik, berriz, Christian Simelio eta Anaís Falcó corrandistak eta Mireia Mena eta Ferriol Macip glosadoreak etorri ziren Gerard Díaz eta Marcel Marimon musikariek lagunduta eta Kurdistandik, hasieran beste bi djengbêj etortzekoak baziren ere, azkenean, kontsulatuetan izandako arazoak tarteko, Zinar Ala etorri zen. Saio bakoitzean bi bertsolari izan zituzten aldamenean.

 Bihar ETB1ek girotze saioetako une onenak eskainiko ditu iluntzeko 21:00etan, Ilaski Serrano aurkezle dela. Atzerriko inprobisatzaileek egindako saio onenak aurkezteaz gain, bertsolariekin egindako trukeak ere agertuko dira programan. Hala, Julio Soto, Miren Amuriza, Arrate Illaro eta Maialen Lujanbio arituko dira bertsotan.

• 
•