Altzon egin zuen ostiralean azken saioa 2016-05-03

Xabier Amurizak agur esan dio bat-bateko bertsogintzari

Xabier Amurizak agur esan dio bat-bateko bertsogintzari. 75 urte bete ditu gaur eta urtemugarekin batera etorri da erabakia. Bere inguru hurbilean emana zuen horren berri eta joan den ostiralean Altzon egin zuen agurreko saioa, Miren Amuriza alabarekin batean. Bertsolaritza lanei eutsi egingo die halare eta idazle lanetan zentratzeko asmoa agertu du. Ekainaren hirugarren astean bere omenezko zenbait ekitaldi izango dira.
Xabier Amurizak agur esan dio bat-bateko bertsogintzari. 75 urte bete ditu gaur eta urtemugarekin batera etorri da erabakia. Bere inguru hurbilean jada emana zuen horren berri eta joan den ostiralean Altzon egin zuen agurreko saioa, Miren Amuriza alabarekin batean. Bat-bateko jarduna utzi arren, Amurizak iragarri du bertsolaritzako bere sormen lanekin aurrera baina, halare, hemendik aurrera idazle lanetan zentratzeko asmoa agertu du.

51 Urte plazan
Xabier Amurizak 51 urte egin ditu plazan. Bertsolaritzak alderdi askotatik landu du: bat-batekoa, bertso jarrien alorra, bertso musikatuak... eta teorizazio lan sakonak ere egina da. Berea da lehenengo hiztegi errimatua ere.

Ekitaldiak ekainean
Altzoko (Gipuzkoa) Elordi elkartean esan dio agur Amurizak bat-bateko jardunari, publikoki azkena zela iragarri gabe baina bertara bildutakoek bazekiten hura izango zela Xabier Amurizaren azken bat-bateko bertso saioa. Aurretik bere bertso bizitza azaldu zuen Manu Olano aurkezlearen puntuei erantzunez. Ekainean ere izango da Etxanoko bertsolaria omentzeko ekitaldirik.


Xabier Amurizaren agurreko bertsoa

Albiste gehiago

Jone Uria Albizuri - Señora Sariketako Pameladuna 2024-06-14

«Goazen saiatzera irudikatzen nolakoa nahiko genukeen izatea lehia»

Jon Agirresarobe Lopetegi 'Torrotxo' - Bertsolari Bertsozale podkasta 2024-05-17

«Lagunartean bildu eta bertsotan egitea izan da bertsolaritzak eman didan gauzarik ederrena»

Anonyme Popularren agurreko kontzertuak maiatzean eta ekainean 2024-04-18

Anonyme Popular: 'Azken agurrak' bira Gasteiz, Baiona eta Bilbon

Maddi Aiestaran Iparragirre - Osinalde Sariko balorazioa 2024-04-08

«Helburua zen guretik kantatzea eta uste dut neurri handi batean lortu dugula»

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»