Eskolartekoa 2016-05-04

Getxon abiatu da Bizkaiko Eskolartekoa

 Atzo abiatu zen Bizkaiko Eskolartekoa Algortako Azebarri Kultur Elkartean. Denera hiru bertso-eskolatako zortzi bertsolari aritu ziren kantuan:

 Maider Barañano (Uribe Kosta)
 Gorka Zabala (Uribe Kosta)
 Peru Irastorza (Uribe Kosta)
 Maddalen Ruesgas (Uribe Kosta)
 Txaber Altube (Durangaldea)
 Eneko Barruetabeña (Durangaldea)
 Igor Galarza (Durangaldea)
 Xabier Mardones (Enkarterri)

 Bi zati

 Saioak fi fase izan zituen. Lehenengoan bertsolari guztiek kantatu zuten, eta honako ariketa hauek egin zituzten:

 -Hitz bati bertso bat, gehienez hamarreko handian
 -Lau oinak emanda bertso bat
 -Zortziko handian bina bertso

 Behin ariketa hauek eginda, bigarren fasera sailkatutako bertsolariek beste hiruna bertso bota zituzten:

 -Zortziko txikian bina bertso
 -Bakarka, gai bati bertso bat, gehienez hamarreko handian

 Ariketa hauek eginda, azkenean Txaber Altubek lortu zuen finalerako txartela.

 Gaur bigarren saioa

 Bigarren hitzordua gaur bertan izango da, arratsaldeko 15:00etan, Bermeoko Eleizalde ikastolan. Bihar eta etzi ere kanporaketak izango dira.

 Finala maiatzaren 22an jokatuko da Getxon.

• 
•