Bi urtez behin antolatzen du Erniarraitz Bertsozale Elkarteak 2016-05-05

Bihar jokatuko da II.Erniarraitz Bertso Kopa Azkoitian

Bi urtez behin antolatzen du Erniarraitz Bertso Kopa izen bereko Bertsozale Elkarteak; aurtengoa bigarrena izango da. Gau bakarrean jokatuko dira sariketaren hiru faseak: lehenengoan hamar bertsolari arituko dira kantuan, bigarrenean sei eta azkena bi bertsolariren arteko buruz burukoa izango da.

Hamar bertsolari hauek izango dira kantuan: Mikel Artola, Maddalen Arzallus, Asier Azpiroz, Asier Garate "Txibilter", Oihana Iguaran, Unai Izagirre, Ane Labaka, Eli Pagola, Aitor Urbieta eta Iban Urdangarin.

Egin beharreko ariketak
Lehen fasean, binaka ofizioa osatu beharko dute zortziko handian eta puntu-erantzunak. Bigarren fasean, binaka ofizioa osatu beharko dute zortziko txikian, kopla-saioa eta bi hitz bertso bakarrean lotzea. Eta buruz burukoan, binaka ofizioa osatu beharko dute hamarreko txikian, puntutan arituko dira ondoren eta bukatzeko hitz bati bertsoa jarri beharko diete.

II.Erniarraitz Bertso Kopa, bihar gaueko 22:00etan Azkoitiko Matadeixe kulturgunean.

• 
•