Ostiralean egin zen sariketa Azkotiko Matadeixen 2016-05-10

Asier Garate "Txibilter"ek irabazi du Bertso Kopa

Eli Pagola, Maddalen Arzallus, Asier Azpiroz, Unai Izagirre "Attola", Asier Garate "Txibilter", Aitor Urbieta, Mikel Artola, Oihana Iguaran, Iban Urdangarin eta Ane Labaka igo ziren ostiralean Azkoitiko Matadeixe kulturguneko oholtzara. Erniarraizko Bertso Kopa zegoen jokoan.

Bigarren aldiz antolatu du Erniarraizko Bertsozale Elkarteak sariketa hau eta "giro ederra sortu zen hamar bertsolarien eta Matadeixen elkartu ziren 150 entzuleren artean" diote antolatzaileek.

"Hiru fasetan banatu zen saioa eta epaile lanak entzuleen artean banatu ziren, fase bakoitzean bost epaile izendatuz. Lehen fasetik Unai Izagirre, sier Garate "Txibilter", Asier Azpiroz, Aitor Urbieta, Maddalen Arzallus eta Oihana Iguaran pasatu ziren bigarrenera. Azkenik, buruz-burukoan Oihana Iguaran eta Asier Garate "Txibilter"-ek kantatu ondoren azkoitiarra nagusitu zen"

Sardiniako kantu inprobisatua ere oholtzan
Simone Monni cantadoriak eman zion saria irabazleari eta Matadeixen elkartu ziren bertsozaleek Sardiniako kantu inprobisatua entzuteko aukera izan zuten.

• 
•