Larunbatean Mutrikun jokatu zen finala 2016-05-23

Aitor Salegi eta Antton Aizpurua irabazle Plazatik Gaztetxera sariketan

Mutrikun jokatu zen XV. Plazatik Gaztetxera sariketaren finala larunbatean, Plazatik Gaztetxera Egunean. Eguerdiko poteoaren ostean, gaztetxean elkartu ziren bazkaltzeko eta bazkalosteko jolasak eginda hasi zen finaleko saioa.

Lau bertso-bikote aritu ziren kantuan:
-Eli Pagola eta Iñigo Zubiaurre “Beitxi”
-Aitor Salegi eta Antton Aizpurua
-Gemma Urteaga eta Maider Arregi
-Manex Astigarraga eta Maddi Sarasua

Antolatzaileen esanetan, "agur ezin originalagoekin hasi zuten saioa, Gemma eta Maiderrek elizkizun txiki bat eta guzti eskaini zuten. Umorea nagusitu zen, bereziki kopletako ariketetan. Bertsolariek euren burua defenditu behar izan zuten hiru irizpideren bueltan: Nor ez ditu tragoak gonbidatzen gaztetxeko barran lanean dagoenean, nork ez du inoiz kopiatu azterketetan, eta nork ez du inoiz sexu harremanik izan. Bakarka ere fin aritu ziren bertsolariak". Zortziko txikian eta hamarreko txikian ere aritu ziren ofizioan, eta puntuak ere jarri zizkien erantzuteko.

Eli Pagola eta Iñigo Zubiaurre “Beitxi"-rekin buruz burukoa jokatuta, Aitor Salegi eta Antton Aizpurua-k irabazi zuten XV.Plazatik Gaztetxera sariketa.

Gaztetxea bete-beteta, festak segida izan zuen Josune Arakistain eta Uxue Amonarriz trikitilariekin.
 

• 
•