Maiatzean larunbatero Santutxuko Karmelo plazan 2016-05-12

Udaberriko bertso-saioak Bilbon

Bilboko Santutxuko Karmelo plaza, bertsoplaza bihurtzen da maiatzeko larunbatetan. Urtero bezala, aurten ere udaberriko saioak antolatu ditu Santutxuko bertso-eskolak, Bilboko Udalaren laguntzarekin.

Pasa den larunbatean izan zen lehenengoa: Beñat Gaztelumendi, Oihana Iguaran, Nerea Elustondo eta Andoni Egaña aritu ziren kantuan. BERTSOA ere han izan zen eta laister izango dituzue ikusgai bertsoaldi onenak. Aurrerapen moduan, hor duzue Beñat Gaztelumendi-ren hasierako agurra.

Etzi "Ez da kasualitatea" saio berezia
Miren Amuriza, Oihana Bartra, Onintza Enbeita eta Alaia Martin izango dira kantuan etzi. "Ez da kasualitatea" saio berezia eskainiko dute Garikoitz Otamendi eta Araitz Bizkai musikarien laguntzarekin. Emanaldia eguerdiko 13:00etan hasiko da Santutxuko Karmelo plazan.

Beste bi saio izango dira datozen asteetan:
MAIATZAK 14, 13:00etan Santutxuko Karmelo plazan: Amets Arzallus, Fredi Paia, Ibon Ajuria eta Julio Soto

MAIATZAK 27 (ostirala), 20:00etan bertso-poteoa Santutxu auzoan: Jone Uria, Jon Maia eta Arkaitz Estiballes.

• 
•