Xabier Lete Txirritarenak kantatzen

“Nire aipamenak izango dira beste laurogei urtian” kantatu zuen Jose Manuel Lujanbio “Txirritak”. Lurpean sartu zutela 80 urte betetzear diren honetan, bere bertsoak gogoratuko ditugu. Beste handi baten bidez egingo dugu gainera. Izan ere, Txirritaren bertsoak norbaitek ezagutarazi eta zabaldu baditu, hori Xabier Lete izan da. Bere ahotsean entzungo dugu “Frantses euskaldun bat” bertso sorta. Enkarguz eginak, eta pasadizo xelebreak kontatzen dituenak.