"Maratón de los cuentos" 2016-06-15

Asteburuan bertsolaritzaren berri jasoko dute Guadalajaran

 Tradizio handiko ekimena da "Maratón de los Cuentos" delakoa, 1992tik Guadalajaran antolatzen dena. Ipuingintza eta ahozkotasuna ditu ardatz.

 Aurtengoan bertsolaritzari lekua egin diote, eta Andoni Egaña bertsolaria eta Karlos Aizpurua Mintzola Ahozko Lantegiko kidea izango dira bertan, asteburu honetan.

 Tailerrak eta saioak

 Andoni Egañak "Improvisar en bertso" tailerra eskainiko du ostiralean eta igandean, bertsolaritzaren berri emateko.

 Larunbatean, iluntzeko 20:00etan, Andoni Egañak saio bat egingo du Alexis Díaz de Pimienta inprobisatzaile kubatarrarekin. Karlos Aizpurua ariko da itzulpen lanak egiten.

• 
•