Bertso Eskolen Eguna 2016-06-23

Irailaren 17an ospatuko da Bertso Eskolen Eguna

 Seigarrenez ospatuko da aurtengoan Euskal Herriko Bertso Eskolen Eguna. Portugaleten izango da hitzordua, irailaren 17an, eta egun osoko egitaraua izango du.

 Bertso-eskolen arteko harremanak estutzeko asmoz hasi ziren Bertso-Eskolen Egunak antolatzen duela 6 urte. Geroztik, bertso-eskoletako kideek elkar ezagutu eta elkarrekin bertsotan aritzeko aukera izan dute.

 Sarrerak irailean

 Bazkaritarako sarrerak irailaren 2tik 12ra eskuratu ahal izango dira www.bertsosarrerak.eus atarian, 15 eurotan.

 Bertsotruk-en hasiera

 Iaz bezala, aurtengoan ere Bertso-Eskolen Egunak emango dio hasiera Bertsotruk ekimenari. Lehenengo edizioan 26 bertso-eskolak hartu dute parte, eta denera 30 saio antolatu dituzte.

 Iaz 16 bertsolari kantuan

 Iazko Bertso-Eskolen Egunean parte hartu zuten bertso-eskola guztietako bertsolariek izan zuten kantatzeko aukera. Orduko irudiak errekuperatu ditugu.

• 
•